«Сердало» яхача Кепайоазон цӀено къахьегама шоатта дир
27.03.2025 15:29
«Сердало» яхача Кепайоазон цӀено дакъа лаьцар республикан юкъара къахьегама шоатта ди дӀахьоча, из декхар тӀадилладар ГӏалгӀай Республикан Кулгалхочо Келаматанаькъан Махьмуд-Ӏаьлас.
Дикача Ӏадатех цаӀ да редакце коа а гонахьарча даькъ тӀа а лостам бар, беррига болхлой арабаьнна.
ХӀаравар хьежар цу гӀулакха ший дакъа юкъедахьа. Кхалнаха коа новраш хьекхар, йоархӀаш а ца эша баьцаш а дӀаяьхар.
МаӀа нах нувхий галеш дӀакховсаш, кхыдола дезагӀа балхаш деш хилар.
«Цу тайпара цхьана къахьегаш хиларо таро лу шоайла безам а пайда а эца. Из шоатта ди – цхьана хилара, шоайла барт кхеташ къахьегаш хилара тешал да», - аьлар Кепайоазон цӀен кулгалхочо Курскенаькъан Хадижата.
