Вай латархой тоаба яхье дикагӀчарех хилар
12.06.2024 11:24
ГӀалгӀайчера латархой тоаба дикагӀчарех хилар, Къилбаседа Кавказа федеральни даькъ тӀа 13 мехка юкъе, «Спортивни Росси - низ бола Росси» яхача латара говзалах йола йийлла фестиваль дӀахьоча, яхаш, дийцар «Сердало» газетага спортивни латара Федерацен зарбан болх лелабераша.
Кисловодскерча спортивни майдан тӀа 240 латархо вӀашагӀкхийтар. Шоай дозал дарашца латаш, вай спортсменаша дика толамаш гойтар цига, гулъяьча тоабанна чубоагӀаш. Цу тайпара республикан совгӀатий ганза ӀотӀакхийтар 12 дошо, 9 дото, 9 борза майдилгаш», - аьлар тхога ер хоам баьчо.
Белгалду, къона спортсменаш Ӏомалуш ба; Котанаькъан Ӏийсас, Рассумов ИсмаӀала, Гардананаькъан Мухьмада, Жандиганаькъан Батыра хьехаш.
