ТӀема доакъашхо волча баха хилар «Даьхен Лорбой» яхача ганза болхлой
![ТӀема доакъашхо волча баха хилар «Даьхен Лорбой» яхача ганза болхлой](http://serdalo.ru/storage/FobW624a8JcdO8z7L5ntySIWUGJhJ42kc7IYoP94.jpg)
ТӀема юкъе эттача доккхача хатара юкъе, дийна виса тӀема доакъашхо Новразанаькъан Ӏаьла волча хьоашалгӀа баха хилар «Даьхен Лорбой» яхача ганза моттигерча филиала болхлой. Из хоам «Сердалога» бир цу гӀулакха хьалхалаттараша.
«Москверча дарбанче ший дегӀа могашал меттаоттаеш хиннав зӀамагӀа вола сержант Новразанаькъан Ӏаьла. Ганза кулгалхло Оздой Муслим, Беканаькъан Мадина цунга фу хьал да хьажа бахар. Оздой Муслима белгалдир, тӀема операцен доакъашхой, цар цӀагӀарча наьха хьашташ кхоачашдара тӀехьа шоаш боккха болх дӀакхухьилга», - йоах тхогарча хоамо.
«Сердало» газето хьалха яздаьдар, чухьелхача ротан кулгалхочун гӀонча волча Йоккхача Ачалкхерча Новразанаькъан Ӏаьлан цӀавар мишта хиннад. Лозаваьчул тӀехьагӀа, шийлача подвала чу массехк ди доаккхаш, когаш гӀорадаьд цун, геттара халача хьале воллашехь, текхаш ший штаба тӀакхача аьттув баьннаб цун, Даьла къахетамца.