МЧС 35 шу дизара хетаяьча «Цӏи йоаерий яхьашка» котало яьккхар ИнгГУ тоабо
Наьсарерча Цӏерцарча кхерамзленах йолча № 1 йолча моттига доазон тӏа МЧС 35 шу дизара хетаяь дӏайихьача «Цӏи йоаерий яхьашка» хьалхара моттиг йоаккхаш белгалъяьлар паччахьалкхен университетера тоаба.
«Яхьашка дакъа лоацаш бар журналисташ, блогераш, иштта кхыбараш а. Дакъа лоацарашта хьалхашка лаьттача керттерча декхарех дар, цӏаьхха моллагӏа хатар ийккхача ха ца йоаеш, кадай, боаггӏача боараме хьовза безилга хьагойтар. Массехк даькъах латташ яр яхьаш.
Тха студенташа цига дӏагойтар, коталонга бодача наькъ тӏа шоаш лакхача боараме гойта могаш хилар. Хьалхашка оттадаь декхараш дизза кхоачашдаь, лакхерча лагӏа тӏа яьлар университетера тоаба», - дийцар тха газетага вуза болхлоша. Цӏи йоаеча оарцагӏъухарий болх байзар дакъа лоацарашта. Вахаре накъадаргдола дукха хӏамаш ӏомадир кагирхоша, цу лоархӏамеча яхьашта юкъебахарах.
