Дешархой гӏо деш хилара тӏахьехаш я, кагирхой гӏулакхех йола комитет
ЧОУ СОШ «Интеллект» яхача ишкола дешархой гӏо деш хилара тӏахьехаш ба, кагирхой гӏулакхех йолча комитете. Гӏо деш хилара оагӏонцарча балхах дувцаш, кхетаче дӏайихьар селхан Эккажкъонгий-Юрта. Из хоам «Сердалога» бир КДМ зарбан болх лелабеча Гӏулой Аминас.
«Дешархошта пайда беш йола ешаш дӏахьош хилар кагирхой гӏулакхех йолча комитета болхло Йовлой Джамбулат, гӏо деш барий оагӏонцара къахьегамхо ӏарчакханаькъан Саӏид. Дешархошца цар дийцар гӏо деш хиларца дувзаденнарех, цу оагӏонцара болх мишта дӏабахьа беза тахан. Юкъеяьха, тахан йоаржаеш латта программаш йовзийтар берашта», - хоам бу тха газетага.
«Гӏо дер духхьал наха новкъостал деш вола саг хинна ӏац. Шийна гонахьа ше мо бола нах гулбаь, дунен моттиг тоае, дикаш доаржаде гӏерта саг ва из. Кхоанарча вахара денош сийрдагӏа, хозагӏа дергдола гӏулакх да из», - белгалдир Йовлой Джамбулата.
