Россе бизза къонгаш кхебеш къахьег, кагирхой гӏулакхех йолча комитете
20.11.2025 11:14
Хан-ханнахьа кхетаченаш дӏакхахьарца, Россе бизза къонгаш кхебара тӏехьа къахьег кагирхой гӏулакхех йолча комитете. Эккажкъонгий-Юртарча №1 йолча ишколе хилар аргӏанара кхетаче. Из хоам «Сердалога» бир цу моттигера.
«СВО ветеран, кагирхой гӏулакхех йолча комитета керттера болхло волча Шоанахой Муслима дешархошта дийцар турпалал гойташ лаьттача къонгех. Тӏема аренашка царна духьала нийслуча халонех, чоалхане декхараш кхоачашдеш, цар дӏахьоча наькъах дувцаш ха яьккхар къонача тӏехьенца.
Тӏема операце ветеранаца хиннача вӏашагӏкхетаро берашта дукха хӏама довзийтар, Даьхен визза воӏ волаш, яхь ца йохкаш дӏачакхвала везилга хьалхадаьккхар царна бӏухочо», - йоах тхога кхаьчача хоамо.
