Ӏа дӀадаларца шахьар цӀенъеш ба ЖКХ болхлой
11.03.2025 09:26
Ӏа тӀехьашка диса, массайолча моттигашкара гӀор ешача, дукха хӀама хул шахьара наькъашка де дезаш. Массайолча моттигашкара куц тоадеш, арабаьнна лела цхьа кӀира да ЖКХ болхлой. Из хоам «Сердалога» бир шахьара администраце.
Шахьара да волча Оздой Руслана белгалдечох, дукха хӀама кхоачашде аьттув баьннаб цу юкъа, бакъда де дезараш а кӀезига дац.
«СалаӀар фуд ца ховш, къахьегаш да тхо шахьара куц эргадаккха гӀерташ», - аьлар мэра. ЖКХ еррига машинаш, беррига болхлой арабаьнна дӀахьош боккха болх ба из тахан.
