ГӏалгӀайче гӀолла Россельхозцентро дӏахьош бола болх белгалбир республике
ГӏалгӀай Республике гӀолла йолча Россельхозцентра филиало гойтар дӀадахача шера баьча балха хьокхамаш,яхаш, хоам бу «Сердало» газетага мехка Паччахьалкхен зарбан болх лелабераша.
«Фитосанитарни хьал техкар 185 000 гектара тӀа. Лораяра бола болх дӀабихьар 25 500 гектара тӀа. Кхоачашъяьй 3 700 тонн фун фитоэкспертиза. «Ама» СПРК даькъ тӀа хьожаш ба 10 тайпарча кердача фунга - кӀа, мукх миштад. 9 тонн пестицидех мукъадаьнна гӀирсаш дӀадаха кийчдаьд», - аьлар боахамера беча хоамо.
Иштта белгалду, филиала беча балха массайолча оагӀорахьара терко лоаттаю. Из болх бу, фу а ги а лорадаргара Ӏилман тохкама балхага кхаччалца, иштта экологически программаш а цу юкъе йолаш.
Цига керттердар да декхараш цхьана кхоачашдеш хилар, къахьегамхошца, ахархой даькъ тӀарча говзанчашца бувзам лелабар, хьехамий центр хьаллацар, дешара урхалленашца дика бувзам лелабар.
