ГӀалгӀайчен туризма Комитет айхха бувзам лелабеш я ДОМ.РФ корпорацеца
ГӀалгӀай Республикан туризма комитето айхха бувзам лелабу паччахьалкхен ДОМ.РФ корпорацеца. Укх деношка паччахьалкхен организацей шин викала кхетаче хилар, яхаш, дийцар «Сердало» газетага комитета болхлочо Хамхой Тамерлана.
«Керттера дийца дош дар мохк дегӀабоалабар, цу юкъе туристически даькъ тӀа. Иштта дийцар Магаса-Шолжа доазонаш вӀашагӀкхеташ хилара хьал, кадастрови учёт яр, иштта юрташ доазон учёте оттаяр. Таханарча денга кхоачаш, корпораце говзанчаша тохкаш я Магаса-Шолжен доазоний говзанча-план.
Из керттера хила еза доазонаш дегӀадоаладара, цу юкъе таханарча заман туристически гӀишлош хьалъяр а долаш.
«Хоадам боллаш бокъоний доазоний лард чӀоагӀъяр лоархӀаме гӀа ба; мехка туристически, инвестицей таронаш хьаеллара боаккхаш бар», - аьлар туризма Комитета кулгалхочо Цхьорой Мухьмада.
