Къаман проекташка гIолла контракташ чIоагIъяр 95%-га кхоачаш да мехка
Къаман проекташцара контракташ чIоагIъяра болх 95%-га кхоачаш дIахьош ба тахан, кассах чакхъялар - 65%. Из хоам «Сердалога» бир мехкадаь зарбан болх лелабераша.
РФ рузкъан гIулакхех йолча Министерствос дIабихьача тохкамах, цхьацца йолча лоархIамеча проекташцарча балхах дикка гаьнабаьннаб вай мохк. Цу юкъе я «Экологи», «Дика, пайдане йола экономика» яха проекташ, иштта кхыяраш а.
Вай мехкадас Келаматанаькъан Махьмуд-Iаьлас белгалдир, къаман проекташ йоаржаяр мехка хьал тоадара тIехьа лоархIаме долга.
«Россе Президента къоастадаь декхараш кхоачашдеш, болх дIахьош да вай тахан, хIаьта гуш латтачох вай кхетаду, болх боаггIача боараме дIахьош хилар»,- аьлар Мехкадас. Иштта мехка кулгалхочо теркалдир, лаьрхIа мел дола кхыдола балхаш йиллача хана, лерттIа чакхдаьха хила дезилга.
