«НКО таьрахьий кӀийлен тӀа яккхар» яха кхетаче дӀаяхьа гуллургба республике
26.06.2024 13:33
ЛоархӀаме кхетаче дӀахьоргья Магасе. «НКО таьрахьий кӀийлен тӀа яккхар» яха кхетаче дӀаяхьа цхьан истола гонахьа гулбеннараша дувцаргда вай мехка цу оагӀонцара кердадараш доаржадарах, царех пайда эцарах. Из хоам «Сердалога» бир кагирхой политикахи туризмахи йолча министерствос.
«Цу кхетаченга гӀолла, бахархошта дӀахайтаргда таьрахьашка балар мел пайда беш, йоккха моттиг дӀалоацаш хургда адамий вахаре. Цу гӀулакхо бергболча пайдах, иштта духьала нийсдала йиш ярех дувцаргда гулбеннараша», - йоах тхога кхаьчача хоамо.
Кхетаче дакъа лаца йиш йолаш ба из оагӀув бовза ловш бола моллагӀа бахархой.
