Наьсарера йоккха парк овлангара кердайоаккхаргья
Наьсаре, ахкан бетташ хьатӀаккхачале, овлангара кердайоаккхаргья Малсаганаькъан КӀарцхала цӀерагӀа йола йоккха парк, яхаш, дийцар «Сердало» газетага, доал деча даькъ тӀарча администраце.
2023 шера, къаман проект кхоачашъеш, из йоккха парк туристически лостамагӀа тоаеш, дикка балхаш дӀадихьадар. Бакъда из болх кхоачам болаш бац, кхыйола цу парка даькъ тӀара моттигаш тоае езаш йисай»,-аьлар шахьара мэре.
Хоам бу, шахьара кулгалхочо лаьрхӀачох, кердача хьисапера библиотека оттаергья; салоӀаш болча наха керда гӀандаш, нувхаш чутувса яьшкаш, бурчолгаш оттадергда; сердал луш гӀирсаш хургда; Наьсарен вахаре дӀаяхача, таханарча ханех дувцаш, хоамаш тӀадола улгаш латтаргда.
Цу парка дукхагӀа дола дакъа тахан хозду йоккхача гаьнаша; бакъда, парк тоае йолайича, цу даькъ тӀа кхача йиш хургьяц, из дӀалаьца хургда деш долча балхаша. Говзанчаша яхачох, цу парке хӀара шу мел доал дукхагӀа нах ух. СалоӀаш, сатеме ха дӀахьош, зизашка, хозача моттигашка бӀарглокхаш бараш совбоалаш боагӀа.
