Ӏадсаькх кхоссарах йола яхьаш дика чакхъяьлар
Лакхача боарам тӀа чакхъяьлар Якутий АССР цӀихеза хиннача гӀишлонхочун Овшанаькъан Ӏаддал-Хьалима хетаяь Магасера Ӏадсаькх кхоссарах йола яхьаш. Из хоам «Сердалога» бир цу гӀулакха хьалхалаттараша.
Магасерча культурах, спортах, туризмах болча оагӀон кулгалхочун гӀонча волча Янданаькъан Абте теркалдечох, из дагадийхараша шоай болх дика вӀашагӀболларах, лакхача боараме дӀаяхар кхетаче. Цига къовсалуш хилар Ӏадсаькх деттарах йолча федерацен доакъашхой, Овшанаькъан Ӏаддал-Хьалима цӀагӀарбараш, TheMagasTӀmes яхача хоамий оагӀон кулгалду Къоастой ИбрахӀим, иштта кхыбараш. Мехкарча эггара дикагӀа лоархӀаш болча Ӏадсаькх деттараша шоай говзал гойтар цига.
«Цу яхьо Кубок хьожаяро кагирхой тӀахьех, массахана спортаца бувзам лоаттабеш хилара. ГӀалгӀай мехка дикка дӀадайзар из гӀулакх, дагалаьцар ший ди геттара чӀоагӀа безаш, нахаца лакха лерхӀам болаш хинна саг. Дуккхача наьха дегашка ваха висав Овшанаькъан Ӏаддал-Хьалим», - дийцар Янданаькъан Абте.
