«Тахан со хьежар тоаяь яьннача квартирашка. ГӀишлош еча Министерствос баьча балха со раьза ва. Шоаш аьннача хана а иштта дика а кхоачашбаьб болх», - аьнна, белгалдир Келаматанаькъан Махьмуд-Ӏаьлас, из лоархӀаме декхар кхоачашдара мах оттабеш.

Цо баркал аьлар цу цӀеношка баьхача наха, этта хинна хьал кхета а деш, иштта сатем болаш, цар сатеха хиларах. Иштта баркал аьлар цо ГӀалгӀай Республикан ГӀишлошъеча болхлошта, къахьегаш хиннарашта хьалхалаьттарашта, цу цӀенна тӀахьожам лоаттабарах.

Цо дӀахо белгалдир, цӀен бахархой хозача, цӀенача цӀагӀа чубоагӀа; кастлуш ков а кийчо яь, лостам баь хургда, аьнна.