ТӀема доакъашхой бераш, Токмакера дешархой тӀаийцар «Аьрзи» яхача лагере
ЖӀайрахьарча «Аьрзи» яхача лагере тӀаийцар Донбассерча тӀема операцен юкъе дакъа лоацаш болча вай бӀухой бераш, Токмакера дешархой. Лоаман хозача моттигашка яьккха ха берашта йицлургьяц. Цу гӀулакха хьалха эттар чурча гӀулакхех, культуран гӀулакхех йола министерствош.
«МВД болхлоша шоашта могар дир, берий дегаш гӀоздаха гӀерташ. ЦӀихеза гӀалгӀай артисташ гулбеннабар лагере. Уж бар Оздой Адам, «Дека илли» яха тоаба, Кагерманова Фатима, ЦӀечой Джанат, Хьоашаланаькъан Лолита, Мерешканаькъан Роза, иштта кхыбараш», - дийцар «Сердало» газетага республикерча халкъа кхоллама ЦӀенна кулгал деча АбдурзаковгӀар Аьсета.
Теркалде деза, «Аьрзи» яха берий лагерь, «САФМАР» яхача Гуцаранаькъан Микаила кхеллача моттиго гӀо деш, доккхий хувцамаш деш тоаяьлга. 700 бер хургда цига салоӀаш, ахка йистедаллалца.
