ГӏалгӀайчен яйгача атлетиках болча спортсменашта, тӀабувхабу ворхӀ гӀирс белар совгӀата
03.12.2024 16:54
ГӏалгӀай Республикан яйгача атлетиках болча спортсменашта белар, совгӀата лаьрхӀа ворхӀ тӀабувхабу спортивни гӀирс. Из белар «Сафмар» ганзо, иштта моттигерча яйгача атлетиках йолча Федераце, яхаш, хоам бу «Сердало» газетага ГӏалгӀай республикан спорта Министерствос.
«Спортивни гӀирсаш лаьрхӀа да 15-17 шу даьннарашта. Хӏанз яйгача атлетикан спортсменашка да рюкзакаш, футболкаш, джемпераш, спортивни хачеш, кроссовкаш, иштта адара бола кувга тӀа бувхабу гӀирс», - аьлар спорта доал дераша.
Из хьал дувцаш, ГӏалгӀай Республикан яйгача атлетиках волча Федераце президента Манкенаькъан Райсхана белгалдир, цу тайпара терко яро берий спортацара безам совбоаккхаш хилар.
