Хиннача мэра духьала хьадийлла гIулакх тохкаш ба Магаса кхален суде
10.06.2025 10:16
Магаса мэр хиннача вахархочунна духьала хьадийлла гIулакх цу кхален судага дIачуденнад Республикан прокуратурас. Из хоам «Сердалога» бир прокуратуран зарбан болх лелабераша.
Шахьара доал деш хинна хьаким бехктокхаме озаш ва РФ УК пп. «г», «е» 3-ча даькъа 286-ча статьях (ше балха волча моттиге декхарий боарамал тIехвалар). Iаьдало дIабихьача тохкамо гучадаьккхар, 2023-ча шерарча Iан шоллагIча бетта ший новкъоста товр де, аьнна, «Замок-5» яхача моттигацарча балхах долча каьхаташта боарамал тIехваьнна мах оттабаь хилар.
Магасерча моттигашка токацара балхаш дIакхухьаш хиннай из моттиг. Шахьара даь бехках, 3,3 млн сом шахьара рузкъа харцахьарча наькъаца доадаьд.
