Набахта ялла ха техар Магасерча судо цӀагӀара болх беш хиннача кхалсага
11.06.2025 09:57
Кхалнаха куцала лелаеш йола дошо хӀамаш лочкъаяьча цӀагӀара болх беш хиннача кхалсага, набахта ялла ха техар Магасерча судо. Из хоам «Сердалога» бир республикерча Прокуратуран болхлоша.
Пхи шу ха набахта яккха езача эттар кхыча къаман кхалсаг вай мехка. Тохкама болхлоша белгалдечох, 2004-ча шера гуйран тӀехьарча бетта 16-ча дийнахьа, шийна болх бенна кхалсаг цӀагӀа йоаца ха лораяь, Магасерча Боранаькъан цӀерах болча урам тӀарча квартирера 667 эзар сом мах бола дошо хӀамаш лочкъаяьй цо.
Цох кхоачам ца хеташ, йоккха юкъ ялалехь, цу бетта 27-ча дийнахьа цхьаькха, ше болх беш хиннача моттигера 406 эзар сом мах бола дошо хӀамаш йихьай цо.
РФ УК 3-ча даькъа 158-ча статьях бехктокхаме озаргья къу, доккха зе деш къоал дарах.
