Нейросеташца дувзаденнараш довза болалурашта, лекци ешаргья Беканаькъан Мухьмада 21 Ишколе
08.07.2025 11:31
Таьрахьашца дувзаденнараш доаржадарах йолча Академи « Нейросеташ хӀетта йовза болабеннарашта: сага хьакхеллача хьаькъала дунен юкъера хьалхара гӀа» яха лекци ешаш хургва мобильни оагӀонца къахьегаш вола Беканаькъан Мухьмад. Из хоам «Сердалога» бир цу моттигера.
«Укх бетта иттлагӀча дийнахьа спикера довзийтаргда, хьакхелла хьаькъал яхилга фуд; балха, дешара юкъе из мишта леладе деза. Иштта цо дувцаргда нейросеташ бизнеса, хоамий технологешта юкъеяхьарах.
Говзанча керттера декхар да, ладувгӀарашта цу оагӀонца дувзаденнараш ма дарра довзийтар», - йоах хоамо.
ИИ, нейросетий вахар довза безам барашта боккха пайда беш хургья уж урокаш. Кхетаче дайолалургья нийсса диъ сахьат даьлча.
