МагӀалбик кийча я доал деча даькъ тӀа хоржамаш дӀадахьа
06.09.2023 12:10
МагӀалбик-Шахьара администраце кхетаче хилар; цига гулбеннараша дийца дош дар мехка юрташка, шахьарашка дӀахьоргдола хоржамаш дика дӀадахьар. Уж хӀанз хьатӀадоагӀача кӀирандийнахьа хургда. Цунах дийцар «Сердало» газетага шахьара даькъ тӀарча администраце зарбан болх лелабераша.
«Вай декхар да лерттӀача боараме хоржамаш дӀадахьар, законо дӀадехаш дар кхоачаш а деш. Из лоархӀаме хилар белгал а деш, аз дехар ду шуга хӀаранега бехктокхаме хила, хьалхашка латта декхараш кхоачашдеча», — аьлар Галай Мусас, ше гулбеннарашка къамаьл деш.
Хьалхадоаккх, ГӀалгӀайче депутаталла водаш 1056 саг хилар. 979 царех тайп-тайпарча хоржамий гулламаша шоашкара хьожаваьв. Муниципальни Ӏаьдала юкъебаха дагахьа къовсаме баргба «ЦаӀ йолча Россе», «Нийсхо еча Россе — Патриоташ-Бакъдолчун тӀехьа», ЛДПР, КПРФ викалаш.
