Даьхенцара безам гойташ, машинашца лела арабаьлар МагӀалбике
Коталон 80 шу дизара хетадаь, машинашца болабалар хьаллаьцар вай мехка. Цу кхетаче дакъа лоацаш бар «ЦаӀ йола Росси» яхача парте доакъашхой, депутаташ, къона гвардейцаш, администрацей кулгалхой, цар гӀончий, иштта кхыбараш а. Из хоам «Сердалога» бир кхален администрацера.
Республикерча лоархӀамеча моттигашка гӀолла йолаелар Россе байракхаш тӀаягӀа машинаш. МагӀалбикерча, Серго цӀерах йолча паркера дӀаболабенна, Магасерча Аланой коа кхаьчар доакъашхой.
Иштта цхьана гулбенна дӀахьоча гӀулакхо тӀехьа тӀабоагӀарашта хьалхадоаккх, Даьхенцара безам, лерхӀам боккха хила безилга, Коталон ди гаргадоаладе гӀерташ лаьттарий цӀераш массахана дагалоаттае езилга.
Иштта дола гӀулакх хьаллацаро вӀашкаоз тайп-тайпарча ханага кхаьча мехкахой, бувзам чӀоагӀбу.
