«ГӀалгӀай мехкарча «ХӀарма» яхача кхетачен доакъашхошка моаршал дохьийт аз! Балхаца дувзаденнараш дашха Магасе гулбеннаб тайп-тайпарча Ӏаьдала моттигашкара болхлой, бизнесменаш, коммерчески йоацача моттигашкара къахьегамхой, СМИ.

Кхетачен тема - «Россе дозал: бӀаьшерашка денз хьадахьаш дола Ӏадаташ лорадар». Къаьстта лоархӀаме да цох лаьца Дезала шера дувцар. Даьй санна Ӏадаташ, культура лораеш, тӀехьено тӀехьенга телаш, хьадоагӀаш да вай. Дукха бераш долча дезалашта паччахьалкхено гӀо деш хилар чӀоагӀа лоархӀаме да вай боккхача мехка кхоаненна.

Цох лаьца дуккхаза дийцад вай Президента», - язду цо РФ ОП телеграм-оагӀон тӀа. Берий бокъонех йолча викала белгалдир, дегӀа могашал эшаеннача берашта, бойла дисарашта новкъостал лоаттадеш хилар эггара лоархӀамеча гӀулакхех долга.

Иштта теркалдир, тӀема юкъе хиннарашта, тӀема операцен доакъашхой дезалашта, иштта кхыбарашта гӀо лоаттаде дезилга. Аьттонца болх чакхбаккха даькъалабийцар цо кхетачен доакъашхой.

ГӀалгӀай республике дӀабихьача цу боккхача балхо Россе паччахьалкхе бӀаьшерашка денз хьадоагӀаш дола лоархӀаме Ӏадаташ, оамалаш, культура дегӀайоалаеш, лораеш хилар теркалдир Львова-Белова Марияс.