Йоккхийча эргалонаша Наьсарен куц хийцад
30.04.2025 11:12
Наьсарен Ӏаьдало чӀоагӀа къахьег, шахьара дика хьалаш хилийтара. Цу балха чудоагӀаш гӀандаш а, нувхаш чутувса яьшкаш а Ӏооттаяьй, иштта дӀахьош ба буц хьакхара, керда гаьнаш дӀайогӀара болх.
«ТӀера куц хувцарал совгӀа, оаха кхы а терко лоаттаю дӀа-юха лелара кхерамзлен хьалашта», - аьлар «Сердало» газетага шахьара администраце.
Цу балха чудоагӀаш дӀахьош да доазонаш тӀа лостам бар а, иштта наькъ тӀа нийслуш дола кӀоагаш дӀакъовлар а. Цу гӀулакхаша шахьара тӀера куц хийца ца Ӏеш, наькъа кхерамзлен дика Ӏалашо ю. Тоадаь наькъаш, хьакхелла баьццара доазонаш Наьсарен вахара дикал лакхъяра лаьрхӀа да.
