Культуран юкъарлон викалаша Гӏалгӏайчен ИЗО музея ганз совъяьккхар
Гӏалгӏайчен Паччахьалкхен исбахьален искусствай музея ганза кхы а шиъ дика совгӏаташ тӏакхийтар. Уж даьраш ба культуран юкъарлон викалаш Хамхой Залина, иштта искусствовед Булах Анна. Цар совгӏаташ дика накъадаргда мехка историко-культуран тӏехьале лораяра.
«Хамхой Залинас музейна совгӏата делар тамашийна дика ши хӏама - гӏалгӏай ӏадатий «мангала кий» оала шиъ керта тӏа туллабу гӏирс, уж кийнаш яьй кулгакара. Цар хьагойт дукхача шерашка денз хьайоагӏаш йола къаман кулгаговзал, лерхӏам. Музея мах барашта тӏакхийтар искусствоведа Булах Аннас даь совгӏат. Цо делар совгӏата наггахьа мара гуш доаца советски ханара ХХ бӏаьшере даь гӏирсаш. Уж къаьнара гӏирсаш - дӏайодаш йолча ханара хинна а ӏац, уж да бокъонца дола «дӏаяхача хана кораш», - аьлар «Сердало» газетага Гӏалгӏайчен культуран, туризма Министерстве.
Кердача гӏирсаша шоай моттиг дӏалоацаргья массазарча, хӏанзарча музея гойтаме. Уж хургда дӏаяхача, хургйолча ханашта юкъера юкъ, цо новкъостал дергда вай тӏехьенна къаман ӏадаташ лораде, иштта исторически дагалоаттам лелабе.
