МагӀалбикерча СВО бӀухочун нанна лорий сиха новкъостал дир
14.11.2025 14:26
«Даьхен лорабой» ганза ГӏалгӀай филиало сиха кхоачашдир, лаьрххӀа йола тӀема операци дӀахьош веннача бӀухочун Казбеков Ризвана нанна лорий новкъостал дарца дувзаденна дош, яхаш, дийцар «Сердало» газетага цунна гӏо деш хиннача ӏаьдала болхлоша.
«Казбекова Зинаидас новкъостал дийхар, вахарца дувзаденна хьашташ кхоачашдеш волча Коазой Хьамидагара, МагӀалбика керттерча дарбанче шийна дарба дара. Ганза болхлочо, цу дарбанчен керттерча лора гӀончаца Ӏоахарганаькъан Фаридайца бувзаме ваьнна, кхы ха ца йоаеш, дега лазарашта йолча отделене из Ӏоюжае моттиг лахар. Хӏанз бӀухочун нана лорий теркама юкъе я, цунна эшаш дола лорий новкъостал лоаттаду», - аьлар хоамо.
