Бердаш оттаде гӏо дир СВО доакъашхочун нанна
19.09.2025 09:26
Тӏема операце доакъашхочун нанна, мах боацаш бердаш оттадергдолаш, вӏаштӏехьадаьккхар «Даьхен лорбой» яхача ганза болхлоша. Из хоам «Сердалога» бир ганза кулгалхочун гӏонча йолча Джанхотанаькъан Мадинас.
«Итазанаькъан Елизаветайна чӏоагӏа лоархӏаме дар ший дегӏацара цхьадараш меттадоаладар. Ганза болхло волча Хазанаькъан Ибрахӏима гӏо даь, тоае езача хьале кхаьча еррига царгаш меттайоалае аьттув баьлар цун. Паччахьалкхен дарбанчешца бувзаме ваьнна, цо сиха вӏаштӏехьадаьккхар из гӏулакх», - йоах тхогарча хоамо.
