Массе тайпара гӏо дар
СВО веннача бӀухочун Балайнаькъан Бек-хана дезала терко лоаттаю Ӏаьдало
Шоаш терко лоаттаеш бола дезал фу деш ба хар духьа, «Даьхен лорабой» ганза гӀалгӀай филиала вахара дешашка хьожараш бахар, веннача бӀухочун Балайнаькъан Бек-хана дезал болча. Бӏухочун валар хилар тӀема хьалхарча мугӀарашка латташ, цо шийна тӀехьа дитар дика тешал, дагалоаттам, Даьхенцара безам.
Цу дезалера хьашташ кхоачашдеш, даим терко лоаттаю турпалхочун гаргара нах биц ца беш. Тӏехьара кхетаче йолаш, ганза вахара дешашта тӏахьожам лоаттабеча Султиганаькъан ИбрахӀима, Къуркъанаькъан Мухьмада къамаьл хилар бӀухочун фусам-наьнаца Хьавайца. Уж хьежар цар вахара хьалашка, дезала могашал миштай, иштта вахара даькъ тӀа кхоачаш ца деш диса хӏама дий.
«Цу тайпара хьажар - из шоайла къамаьл дара йола таро я, цигара ховш хул къаьстта цу дезалера вахара хьал миштад, царна эшар фуд», - йоах ганза болхлоша.
Кхы кӀезигагӀа лерхӀам болаш дац берий дешара, вахара хьалаш, цар могашал. Дукха ха йоацаш, Балайнаькъан дезала ганза новкъосталца каьхат дӀаделар веннача бӀухочун дезал хилара тешал деш дола, хӀаьта бӀухочун бер ишколе-лицее дӀаийцар.
«Тхо хьож уж санна болча хӀара дезала накъадоалаш хила, уж хьаллаца, тхоай йолаш йолча таронца. Тха декхар - хӀара хьашт довзар, из кхоачашдар», - аьлар Къуркъанаькъан Мухьмада.
Говзанчаша шоаш яхачох, уж бахача моттигашка каст-каста водаш хиларо цу дезала дикагӀа новкъостал де таро лу.
