«Лоархӏаме да, цу ишколе харжара болх дӏахьоча хана, говзал лакха хилар е лаьрххӏа цу даькъ тӏара кийчо хилар керте цалаттар, цига терко ю из професси ӏомае безам хилара. Цу тайпара таронаш лоаттаеш хилча, кхувш йоагӏача тӏехьенна карагӏдоалар дикагӏа довз», - аьлар «Сердало» газетага Зортанаькъан Мадинас.

Ишколе дешархоша ӏомаю дизайн, анимаци, оазацара хьал, кхыйола  укх заман оагӏонаш. Къаман культуран хьал шоай таьрахьий проекташка доаккхаш, къона начӏал дараш шоай къаман белгало лораяь ӏац, из цар хозагӏа тоаю таьрахий дунен тӏа дӏайовзийтара.

Магаса, Наьсарен вай заман тароний Ишколашка дешара хьал вӏашагӏделлад, хӏаранена шийна дезаш дола гӏулакх корадергдолаш. Цига дешаш хургба шин шера. Берашта шоайла довзар хургда цига, профессиональни говзал  каралаца йиш а хургья. Дешаш болча хьалхарча шера уж ӏомалу шоашта дезаш дола балха дакъа довза, фу карагӏдоал хьажа.

Шоллагӏча шера цар дӏахьоргба шоаш дег чура дезаш хержача гӏулакха даькъ тӏара болх. Укхаза дӏайолалу кӏоарга ӏомаеш йолча профессе балха оагӏув- кхувш боагӏараш болх беш ба лоархӏаме авторски, тоабай проекташ оттае ӏомалуш.

Цар хьакхолл кийча проект- къамаьл доаца фильм, ашарий оагӏув, е дизайн-кеп из яле а.  Цу юкъа вӏашагӏболл профессиональни болх дӏабахьа таро луш йола никъ, е цунна чуйоагӏача вузашка деша отта таро йолаш хул из.

Ерригача йовзаш йолча оагӏонашта юкъе, Гӏалгӏайчен кхувш боагӏараш лелаеш ба сурт-видеокхоллара студи. Сурт хозагӏа хилар, нийса из хьатӏадаккхар я цун керттера оагӏув, уж хьож къаьстта из говзал ӏомае, цул совгӏа царна эшар я монтаж, сердал нийса оттаяра говзал. Укх заман техника, хьамсарча мехка хоза ӏалама сурт хиларах цар таро я лакхача боарама материалаш яха, шоай республикан истори дувца кердача технологешца.

Укх заман хьалий кхоллам лелабаро царна йоккхий таронаш лу професси дика шаьръе.

Тахан цу дешара центрашка йоккхий таронаш лу массанена цхьатарра хьаде хӏама лахара. Могашал йоацараш а из хала боаца болх караберзабе йиш йолаш ба, дӏахойодача хана цох пайда эцаш бахара, шоашта езаш йола професси дика ӏомаяра, таханарча технологешка дикал лакха йола болх хьакхоллара.

Цу тайпарча проекташа къонача авторий начӏал гучадоаккх. ӏомалуш волчо чӏоагӏа  хьатӏабаьккха дика болх бӏаргабайча, хьожаш вар кхыча беса из гуш хул, цо хьагойт таханара таронаш - уж цхьатарра йолча бокъоний оагӏонаш я, цига начӏал, дег чура хилар лоархӏаме да.

Магасера, Наьсарера вай заман тароний Ишкол дешара майда хинна ӏац, из республикан хургдолчун лоархӏаме проект я. Из я дукхача шерашка дӏахьоргйола наха дезарашта йола инвестицей оагӏув, цо кӏийле чӏоагӏъю республикан таьрахьий экономика дегӏайоалаяра.

Магасе, Наьсаре баьккхача толамо къаьгга хьагойтар, из тахан кагирхошта эшаш хилар. Тахан дукха деш да из балха оагӏув дегӏайоалаеш - ШКИ керда филиалаш хьаелларгья кастлуш Шолже, Магӏалбике.

Из да, республикан тайп-тайпарча миӏингашка кхы а дукхагӏа кагирхой шоай професси харжа йиш йолаш хилар, Гӏалгӏайче йолалургья шийна тӏехьа мехка цӏи чӏоагӏъе. Цига лорадергда ӏадаташ, уж хургдолчун технологега доахаргда.