Гирети яхача гӏалай юрта, куца гиччига тӏа уллаю дото хӏамилг корайир
Гирети яхача гӏалай юртара къаьнарча хана хьаяь йола дото куцала уллаю хӏамилг корайир, болх дӏахьош баьхкарашта. «Сердалога» из хоам бир «Тӏехьале» яхача тӏоговзанчий ишкола зарбан болх лелабераша.
Кхоалагӏча малхарча каша кӏалхарча гӏата тӏа болх дӏахьош баьхкача археологашта кораяьй из. Белгалдечох, къаьнарча хана куцала лелае хьаеш хиннай из. Уж хӏамаш кӏеззига зӏамагӏа а, йоккхагӏа а хиннай, масала 8-9 дакъилгаш долаш. Вай музейшка, иштта ӏилман балхашка хьахьокхаш я уж.
Белгалде деза, уж тайпара хӏамилгаш ӏX-X-ча бӏаьшаре Иране чӏоагӏа яьржа хиннилга. Тайп-тайпарча моттигашкара археологашта корайоагӏаш йолча хӏамаша хьагойт тхьоврача наьха вахар.
«Массехк къаман культураца бувзам болаш, цхьацца хӏама тӏатохаш, хувцаш хьаяь дукха хӏамаш я тахан корайоагӏараш. Хӏара къаман истори, ӏадаташ, культура вайна йовзийташ йола хӏамаш я уж», - дийцар тхога «Тӏехьале» яхача Ишколе.
