Эллиной-румий латарах йолча Xӏӏӏ-ча Ахканарча спартакиада ӏӏ бӏал хургба Наьсаре
16 шерга кхачанза болча кагирхошта юкъера Эллиной-Румий оалача латарах йолча Ахканарча Xӏӏӏ спартакиада ӏӏ бӏал хургба Наьсаре. Из хоам «Сердалога» бера спортацарча латарах йолча федерацера.
«Олимпийски ловзарашка котало яьккхача Манкенаькъан Назира цӏерах долча совгӏаташка кхача гӏерташ, Россе 58 моттигера гулвенна 200 къона спортсмен ва. Укх бетта 11-ча денгара 14-ча денга кхаччалца Йовлой Берда цӏерах йолча «Магас» спорта Цӏагӏа 15 тайпара долча дозалах шоаш хьабовзийташ хургба уж, беррига низ ураоттабаь. Укх бетта 11-ча дийнахьа хьакхоач спорта викалаш, мандатни комиссе болх дӏаболалу, иштта судхой, тоабашта хьалхалаттарий кхетаче хургья, дакъа лоацарашта юкъе кхадж тассар долаш. Шоллагӏча дийнахьа нийсса 11 сахьат даьлча, деррига кердадоаккхаргда, нийсса кхоъ даьлча яхьаш хьаеллаш болх дӏахьоргба. Укх бетта 13-ча дийнахьа тӏеххьара тӏадам оттабеш йола кхетаченаш хургья, котбаьннараш белгалбергба», - йоах тахан тхога кхаьчача хоама тӏа.
