Гӏалгӏайчен УФАСо гучадаьккхар РКБ хӏама эцача кхоачамбоацараш хилар
Гӏалгӏай Республикан федеральни антимонопольни гӏулакха болхлоша, Республикански клинически дарбанченна газа техобслуживании яра дола гӏирсаш эцача хана, нийсдалийта хинна кхоачамбоацараш гучадаьлар.
Газа техобслуживани яра бола гӏирс эцаш юххьанцара мах 1,5 млн сом болаш, дарбанче хьадехаш яр, лорий техника лелаяра лицензий хила езар. Тӏахьожама болх дӏахьош белгалдир, лорий гӏирсашта технически гӏулакх лоаттадара газа турбаш а чулаьца хилар. Бакъда дарбанче чӏоагӏдеш я, из «цаӏ йола оагӏув» хилар. Антипонопольни болхлоша цу тайпара хьал мегаш цахилар белгалдир.
Республикански дарбанчен ха елар из деррига цхьана чудоагӏаш хилар хьагойташ дола каьхаташ кийчдара. Бакъда, из чӏоагӏдеш дола тешал цар динзар. УФАСо чӏоагӏдир, гӏирса цхьа дакъа шеко йоацаш лорий техника я, цудухьа цун лицензи эшаш я, юхе мел дисача хӏаман из эшаш яц. Цу тайпара заказчика, контракта даькъ тӏара закон толхадаьд, шоайла бувзам боацаш дола хьалаш цхьа лот йолаш дарах.
