Наькъашкара бокъонаш лорае ӏомаду вай мехкара бераш
10.06.2026 09:53
«Марем» яхача гимназерча ахканарча лагере наькъашкара бокъонаш лораяра хетаяь кхетаче дӏайихьар. Из хоам «Сердалога» бир Магасерча администраце.
«Наькъашкара бокъонаш йовзар, лархӏар эггара керттерча гӏулакхех долга хьалхадаккха деза берашта», - йоах тхога бенача хоам тӏа.
Бераша чӏоагӏа раьза долаш дакъа лаьцар цу викторине, наькъашкара бокъонаш белгалъеш дола хӏаракаш довзийташ болх дӏабихьар царца.
Белгалде деза цу гӏулакхах уж дика чакхбаьннилга. Брашта хьалхадаьккхар, ахкан хана велосипед, самокат хахка арабаьлча, эггара чӏоагӏагӏа лораде дезараш малагӏаш да.
Зӏамига болча хана хьалхадаьккхар лард хиле ӏодуж берий оамалашка, из кхетадеш боаржабеш бола болх ба из тахан.
