Единороссаша теркалдечох, Келаматанаькъан Махьмуд-Ӏаьла мехка бахархоша тешаме, къамах дог лазаш вола кулгалхо лоархӀаш ва. Иштта дола къамаьл дир цар ГӀирма, Балкхарой мехка кулгалдечар хьакъехьа.

«ДӀахо республика кулгалде со витар хьаллоацаш къамаьл даьд «ЦаӀ йола Росси» яхача парте доакъашхоша. Аз дӀахьоча балха раьза хилар, сох тешар да из, мехка хьалхашка латта доккхий декхараш аз бехктокхаме кхоачашду, аьнна, лархӀар да», -  белгалдир вай Мехкадас.

Республикан кулгалхочо теркалдир, тӀехьарча пхе шера вай мехка доккхий, лоархӀаме хувцамаш хиннилга. Къаман беркате йола дукха проекташ йоаржаяьй, дикка меттадоаладаьд вахара-экономикан хьал. Дукха тайп-тайпара хӀама хьадеш йола моттигаш хьаеллаш латт мехка, юртбоахама, туризма хьал хоалуш айденнад. Кердадараш юкъедоаладеш, наьха вахара хьал аттачахьа доаккхаргдола, хьаде хӀама хургдола болх дӀахьош латт. Бахархошка къамаьл деш Келаматанаькъан Махьмуд-Ӏаьлас белгалдир, республикера вахара хьал тоадергдола кхы а дукха керда проекташ йоаржае лерхӀилга.

«Баркал хилда къахьегама юкъе дакъа лаьцарашта! Цхьана вайна дукха хӀама дулургда!» - аьлар Мехкадас.