ГӀалгӀайчен МЧСа дӀахохьу, цӀи ялара кхерамах хоам беш дола гӀирсаш оттаду болх
04.02.2025 19:21
Наьсарен кхале, Наьсарен- Шахьаре тӀахьожама, хьехама болх лелабеча даькъа болхлоша, моттигерча Ӏаьдала, вахара Ӏалашон викалашца цхьана цӀи яларах хоам беш дола гӀирсаш увттадеш латт; дукха дезал болча, таро йоацача фусамашка.
Чоалханерча хьала боахама зарбан болх лелабераша беча хоамах, ер шу дӀадоладелча денз, Наьсарен кхален доазон тӀа, цу юкъе Наьсарен кхален центр а йолаш, 21 хоам беш бола гӀирс ттабаьб.
Цу тайпара болх дӀабихьар Яндаре. Кхыча юрташка санна, укхаза а иштта цӀи ялара кхерам хиларах хоам беш дола гӀирсаш оттадарал совгӀа, йӀовхал ялара болх мишта латт а, токацара хьал миштад а, токаца леладеш дола гӀирcаш малагӀча хьале яда а хьежар, цу даькъ тӀа нахаца къамаьл дир. Из деррига а мах боацаш деш дар.
