МЧС гучадаьккхар, МЦРБ цӀера кхерамзле телхаеш хилар
10.10.2025 15:03
МагӀалбика кхале гӀолла йолча МЧС тӀахьожама, профилактикан даькъа болхлоша гучадаьккхар МагӀалбикерча центральни дарбанче цӀера кхермзлен хьал телхадеш моттиг хилар, яхаш, дувц цу боахама зарбан болх лелабераша.
Масала, автоматиках латта хоам бу гургал болх беш бац. Цхьайолча чурча моттигашка из вӀалла а бац. Арахьара цӀи йоаю хин турбаш а, из болх дӀабахьара пайдана яц.
«Цул совгӀа, дукха нах чухошаш йолча актови зале, хатар хилча нах арабоаха совлен моттиг яц. Хьожаш хиннараша иштта белгалдир, цӀи яларах хоам беш долча даькъ тӀара саьргаш пайдана цахилар.
Цу дерригача кхоачамбоацарех бола хоам дӏабахьийтар прокуратуре, цох боагӀаш бола соцам тӀаэцаргба дӀахо», - аьлар республикан МЧСе.
