Антибиотикаша дегIа зе дарах дувц мехкарча лораша
Вайна юкъе дукха нах ба, аптеке дIачубахе, морх биззе антибиотикаш ийце, цар дерригача лазарашта духьале еш санна хеташ, уж боарам боацаш мелаш. Из иштта дац, антибиотикаш цу тайпара мела йиш йолаш яц аьлча, хIама хилац. Цу наха, вIалла Iа яхар дIатIаэца ца тугаш, дIахо дIахьу из гIулакх. УнахцIенон оагIонцарча гIулакхех йолча Министерстве дийцар цох лаьца.
«Шелал кхеташ йола гуйран ха хьаэттача, къаьстта чIоагIа кийчо ю цу мугIарерча наха, антибиотикаш ийце Iойоахкаш. Ма дарра аьлча, антибиотикаша вируса хIама дац, е ОРВИ дIадаккхац. Бакъда, могаш воацачун хьал микробашта геттара маьршдоаккхаш, болх бу цар. Лора хьаязъяь ца хилча, антибиотикаш мела йиш яц! Цул совгIа, оттабаьча боарамал тIех мала а йиш яц уж.
Антибиотикаша лазар цхьа кIеззига дужадийя, тIаккха геттара кIоаргду унахочун хьал. Даиман антибиотикаш мелаш хилча, дегIацарча микробашта дезар хьаду оаш. Уж дикагIа духьалъотталуш хул моллагIча кхыйолча молхашта, лазара дарба де а дуккха халагIа хул. Из хIама кхетадеш, дегIа могашал эшаенна хIама хилча, эггара хьалха лор волча гIо, антибиотикий морхI эца аптеке а ца долхаш.
