ГӏалгӀайчен лораш дакъа лоацаш хилар, ГО гӏулакх ӏомадеча даькъ тӀа
Осканаькъан С. цӀерагӀча аэропорта даькъ тӀа, республикан граждански оборонах долча сихача гӏулакха юкъе дакъа лоацаш хилар кӀай халаташ дувхараш.
Дешара тренировкаш дӀахьош, уж хьежар, гӀишло чу а хаьрца, цига цӀи лотаеннача моттиге нийсденнача ЧС хьалашка болх дӀабахьа.
«Массехк минот ялале, хьалххе а вӀашагӀъеллача моттиге хьакхаьчар лорий тоаба, царна хьалхашка латтар декхар: эттача хьала сихха мах оттабар, чехка дӀа-хьа къоастадар из гӀулакх, лозабаьраш арабахар, хьалхара новкъостал дар, шоайла цахаддаш кӏалхарбоахарашца бувзаме а болаш.
Къаьста терко тӀаяхийтар лорий новкъостал вӏашагӏдоллара, дукха лозабаь нах болча хьалашка.
ӏомалуш баьча балхо чӀоагӀдир: республикан сихача новкъостала болхлой лакха говзал йолаш, эггара халагӀча хьале а де дезар довзаш хилар. Цига дакъа лоацаш хиннарашта, из аргӀанара тренировка хинна ӏац, шийна фу карагӀдоал хара дика таро я, чоалхане эттача хьале эшаргдолаш да из», - аьлар «Сердало» газетага ГӏалгӀай Республикан унахцӀенон Министерстве.
