Гӏалгӏайчен лораша нах тӏахьех баьцадаарий, сомий кӏиранна
20.10.2025 16:13
Ардара бетта 20-ча денгара 27-ча денга кхаччалца, мехка дӏахьош да баьцадаараш, сомаш баара кӏира. Цунца дувзаденна республикан лораша тӏахьех бахархой цун терко яра, шоай даара юкъе уж хӏамаш дукхагӏа леладара.
Говзанчаша яхачох, баьцадаараш, сомаш сага дегӏа чӏоагӏа эшаш ба, хӏана аьлча царех йоахк эггара вай дегӏо дӏаехаш йола витаминаш, минералаш, клетчатка, антиоксиданташ. Цудухьа дийнахьа 400 грамм баьцадаараш, сомаш баа беза.
«Цо чӏоагӏъю иммунитет, дог а, миаш а лораду, хьоа дика болх беш хулийт, цӏийоаца лазараш хилийтац, дегӏаца низ хулийт», - аьлар лораша.
