Казанерча кардиологий конгрессе дакъа лоацаш хилар вай лораш
29.09.2025 11:16
Хӏара шера тов бетта 29-ча дийнахьа Россе дездеш долча дега Денна хетаяь Российски къамашта юкъера конгресс дӏайихьар Казане. Вай республикера цига баха хилар Илдарха-Гӏалий тӏарча дарбанче болх беш бола лораш Тӏумхой Хади, Куштанаькъан Аза.
Россе тайп-тайпарча субъекташкара гулбеннача лораша дийцар дега хулача лазарашта дарба деча балха юкъедаьннача кердадарех, боаггӏача боараме цу оагӏонцара болх дӏабахьарах.
«Из чӏоагӏа лоархӏаме да, хӏана аьлча вай мехка дега хулача лазарех бовш латтараш дукха нах ба. Хӏетта хьакхийттача хана лазар гучадоаккхаш дола кердадараш да тахан даьржа, хӏара унахочун еш йола терко боаггӏача боараме хилар чӏоагӏа лоархӏаме да тахан», - дийцар шахьарерча дарбанче.
