Бера дехар кхоачашдир Наьсарен мэра
17.01.2025 09:17

Берий дог хьоасташ бола кердача шерца бувзабенна болам ба, мехка дӀахьош. Доврбиканаькъан Аьсета дехар кхоачашдеш, велотренажёр ийцар шахьара да волча Оздой Руслана.
Из тренажёр геттара чӀоагӀа эшаш яр дегӀа могашал эшаенна йолча йиӀига. Арахьа дарба деш хинна из цӀакхаьча дукха ха яц, цудухьа хӀанз мара кхоачашхиннадац цун дехар. Наьсарерча администраце кулгалхочун гӀонча йола Алхастанаькъан Хади яха хилар Аьсет йолча; мерзача даарех дизза тускар, иштта совгӀаташ ийца.