Тайп-тайпарча моттигашца дувзаденна, 12 сага гӀо дир Илдарха-ГӀалий тӀарча мэре
18.06.2025 11:38
Халача хьале нийсбеннача бахархошта гӀо деш, шоаш дӀабихьача балхах дийцар шахьара даь гӀонча волча Йовлой Тимурага вахара оагӀонцарча гӀулакхех йолча комиссе. 12 сага новкъостал даьд цар укх наькъа. Из хоам «Сердалога» бир администраце зарбан болх лелабеча МутаӀаланаькъан Мадинас.
Мехкал арахьа дӀаваха, дарба де дезача хьале вар ворхӀ саг. Шин сага дукхача хана мела еза молхаш эца гӀо де шоашта, аьнна, дийхар; иштта кхаь сага ахчанца новкъостал дир. Шоай вахара хьал хьадувцача тайпара хилара тешал деш, бахархоша хьачуденна каьхаташ а къоабалдир комиссе», - дийцар тха газетага.
