Берий театра гIо лоаттадеш я Наьсарера мэри
15.09.2025 09:23
Мехкарча къаман берий театре, Наьсарерча администраце болхлой юкъе болаш, кхетаче дIайихьар къонача актёрашца. Из хоам «Сердалога» бир шахьара мэре.
Шахьара да волча Оздой Руслана тIадилла, берашта дIайийкъар ишколе эшаш йола хIамаш, мерза совгIаташ, иштта цхьацца хIама эца ахчанца гIо дир.
«Къонабарий начIал доаржадеш, хьажархошта тоам беш, болх дIабахьа аьттув хургба тха оаш новкъостал дарах. Баркал хилда шоана из гIо дарах», - аьлар кхоллама оагIонна кулгал деча Цурайнаькъан ИбрахIима.
Иштта шахьара да, мэре болхлой шоаш спектаклага хьажа бийхар цо.
