«ГӀалгӀай республикан дезадарий истори» яха кхетаче хилар ГӀажарий-Юрта
14.07.2025 10:37
«ГӀалгӀай республикан дезадарий истори» яха кхетаче дӀайихьар, Шолжа кхален ГӀажарий-Юртарча культуран цӀагӀа. Из хоам «Сердалога» бир цу моттигера.
«ГӀалгӀай къаман байракха Ди дездарца ювзаяь кхетаче дӀайихьар «Наьна мотт» яхача литературан-байтий кружока кулгал деча Яражанаькъан Маринас. Берашта дийцар цу цӀайца дувзаденнача исторех, цу оагӀонца къахьегаш лаьттарех.
1999-ча шерарча ахкан шоллагӀча бетта 11-ча дийнахьа ГӀалгӀай къаман байракх хьакхолларах йола Конституционни бокъо тӀаэцара; 2014-ча шера гуйран хьалхарча бетта 11-ча дийнахьа мехка Кулгалхочо из цӀай юкъедоаккхаш чӀоагӀо яра истори чулоацаш яр кхетаче», - йоах тхогарча хоамо. Кхувш латтарашта довйзийтар цу оагӀонцара лоархӀамедараш.
