ГӀалгӀайчен вахархочунна бехк бергба дӀандарг лелаярах
21.11.2024 09:19
Эккажкъонгий-Юртара вахархочунна суд ергья, кара лелаю дӀандарг цунгара яьккха хиларах, яхаш, дийцар «Сердало» газетага бокъонаш лораераша.
«ГӀалгӀай Республикан прокуратуро моттигерча вахархочунна бехк беш дола уголовни гӀулакх чӀоагӀдир; цо, бокъо йоацаш, дӀандарг лелаяь хиларах.
ГӀалгӀай Республике гӀолла йолча Россе УФСБ Эккажкъонгий-Юртарча вахархочо ший гаргарча сагагара хьаийца, лелхаш дола герз леладарах дола уголовни гӀулакх техкар», - йоах хоамо.
Из гӀирс (дӀандарг) полице хьабаьккхар, хьем боаццаш болх дӀахьош.
Цу гӀулакха бехкевеш вар судо лаьца чувеллав. Уголовни гӀулакх прокурора дӀадахьийтад республикан Наьсарен кхален суде.
