Хьакхеллай халкъашта юкъера доттагӀала клуб
ГӀалгӀайче хьакхеллар Халкъашта юкъера доттагӀала клуб. Из лоархӀаме моттиг вӀашагӀйолла вай Ӏаьдал гӀерташ хилара бахьан да, Ерригроссийски кагирхой фестиваль хинначул тӀехьагӀа, къамашта юкъера гӀулакх дегӀадоаладар, яхаш, дийцар «Сердало» газетага ГӀалгӀай Республикан кагирхой туризма Министерствос.
«Клуб хьаелларо таро лу, цун доакъашхошта, халкъашта юкъерча организацешта, НКО пайда бахьаш бола барт чӀоагӀбе. Хьинар дараш лаьрхӀа ба культурни, дешара бувзам кӀоаргагӀа лелабе, иштта кагирхой болам дӀа-юха боаржабара дика хьалаш хьакхолла», - аьлар ювцача министерствос.
Белгалду, цу тайпара проект кхоачашергья 89 моттиге.
«Тхо тешаш да, цу проекто керда таронаш хьаелларгья кагирхошта юкъера культуран хьал дегӀадоаладара, болх дикагӀа бовзара; из ший аргӀагӀа накъадоалаш хургда халкъашта юкъера доттагӀал чӀоагӀдара», - аьлар Йовлой Жамбулата.
