Екатеринбургерча «Урал-2» яхача футбола тоабаца ловзаш ва вай мехкахо Бештой Микаил
08.09.2025 16:39
Екатеринбургерча тоабанца ловзаш ва Гӏалгӏай мехкара лакха начӏал дола футболист Бештой Микаил. Из хоам «Сердалога» бир футбола федераце зарбан болх лелабераша.
«Дикка ха я «Урал-2» яхача футбольни тоабаца из ловзаш вола. «Носта» яхача тоабан духьала ловзаш хиннав из укх деношка.
Екатеринбургера футболисташ котбоалаш, чакхдаьлар ловзар. 20-ча тура шоллагӏча лиге Б тоабан ловзар 1:0 йолаш чакхдаьлар», - йоах тхога кхаьчача хоамо.
Яхьан таблица тӏа уральцаш 11-ча моттиге латт. Укх бетта 14-ча дийнахьа Казане «Рубин-2» яхача тоабанна духьала ловзаргба уж.
