Гуцаранаькъан Микаил - укх шерара беркат хьадаьнна саг
29.01.2025 11:12
«Укх шерара беркат хьадаьнна саг» яха цӀи чӀоагӀъеш дола диплом делар вай мехкадас Келаматанаькъан Махьмуд-Ӏаьлас бизнесмен, «САФМАР» яха ганз лелаеш волча Гуцаранаькъан Микаила.
Мехка хьал тоадеча, доккха дакъа лацар белгалдеш да из. Республикерча проекташта лаьрхӀа ворхӀ миллиард совгӀа рузкъа да Гуцаранаькъан Микаила укх тӀехьарча шерашка дӀадахийтар.
Цу дерригнена юкъе лоархӀаме моттиг дӀалоацаш я ИТ-отель, таьрахьашца дувзаденнараш доаржадарах йола Академи хьакхоллар. Иштта вайна массанена гуш да кашамий доазонаш, лоаман гӀалаш тоаеш цу сага мел боккха болх баьб.
Вай Мехкадас доккха баркал аьлар, республиках иштта чӀоагӀа дог лазаш, гӀо деш волча Саварбика Микаила.
