Наькъий хьалага хьожаш я Минавтодор
18.02.2025 09:57
ЦӀаьхха, хувцабеннача хаоттамо тӀаьда лоа дена, наькъашка ша билла, дохк эттад. Наькъашкара хьал лорадеш бола болхлой арабаьнна, ди-бийса ца къовсаш къахьегаш ба. Из хоам «Сердалога» бир Минавтодора зарбан болх лелабераша. Наькъашка ша ца бижийта гӀум тувсаш чакхбувл уж.
«Сийрдаяларца арабаьнна, республикерча наькъий хьал меттадоаладеш къахьег цар. Иштта хаоттам болча хана, геттара чӀоагӀа лоралуш хилар дех оаха массанега», - аьлар министерствон болхлоша.
