ГӀалгӀайчен машеннаькъий министр: хоалуш да хоржамаш дика дӀахьош хилар
10.09.2023 13:11
Хьалхарчарца вера, № 803 йолча хоржамий даькъ тӀа ГӀалгӀайчен Шолжа кхален Эбарга-Юрта, машеннаькъий министр Хаматханнаькъан Батыр. Хоржамашка дакъа лацар цо лоархӀ; вайх хӀаране декхар да, аьнна. Цо из аьлар «Сердало» газета корреспондентаца ше къамаьл деш.
«Аз къамаьл даьд хоржамий комиссен доакъашхошца, хоалуш да ер хоржамаш дӀадахьара дика кийчо яь хилар. Кхадж тассара болх сабаре дӀахьош ба. Гуш да кхадж тасса хьабоагӀараш а дегагӀозле йолаш хилар. Аз тӀахьех беррига вай бахархой, массаза а иштта барт болаш хилара».
