Машина наькъий министр хьежар Илдарха-Гӏалий тӏара тӀий мишта тоаду
Укх деношка республикан машина наькъий, транспорта министр боахама болхлошца; моттигерча администраце, гӏишлонхой тоаба викалашца, МО единороссашца; ваха хилар тӀий тоадеча моттигерча балхага хьажа, цо беча балха тохкам бир.
Боахама зарбан болх лелабераша яхачох, карарча хана болхлой къаьнара гӀирсаш дӀадоахаш, цунца цхьана гӀашлошта зӀамига тӏий туллаш ба.
«Кхетаду, бахархошта атта дац тӀий дӀакъовларах. Оаха тхоашта могар ду, сихагӀа из никъ хьабелла гӀерташ. Цхьан дийнахьа укхазара болх сеца ха енаяц. Массанахьара цу гӏулакха тӀахьожам латт. Ший ханнахьа из хьаделларгда, карарча шера оагӀой бутт дӀаболалуш, бакъда балхаш кхы а хьалхагӀа йистедаргда», - аьлар ГӏалгӀай Республикан машина наькъий, транспорта министра Хаматхананаькъан Батыра.
Белгалду, тӀий тоадеш да «Вахара хьалаш» яхача къаман проектах.
